„N-(4-კარბოქსიფენილ)-2,3,4,6-ტეტრა-O-აცეტილ-β-D-გლუკოპირანოზილამინის წარმოებულების სინთეზი და შესაძლო ბიოლოგიური აქტიურობის პროგნოზი“

ავტორი: მარიამ არჩვაძე
საკვანძო სიტყვები: N-β-(პ-კარბოქსიფენილ)-D-გლუკოპირანოზილამინის კონდენსაციის რეაქციები
ანოტაცია:

ანოტაცია მარიამ არჩვაძე „N-(4-კარბოქსიფენილ)-2,3,4,6-ტეტრა-O-აცეტილ-β-D-გლუკოპირანოზილამინის წარმოებულების სინთეზი და შესაძლო ბიოლოგიური აქტიურობის პროგნოზი “ ივ. ჯავახიშვილის სახელობის თბილისის სახელმწიფო უნივერსიტეტი ი. ჭავჭავაძის გამზ. 3 N-გლიკოზიდური ბმა ფართოდ არის გავრცელებული სხვადასხვა ტიპის ბუნებრივ ნაერთებში, ძირითადად ნუკლეინის მჟავებსა და გლიკოპროტეინებში, ზოგიერთ კოენზიმში, ასევე ნუკლეოტიდების სინთეზურ ანალოგებში, ანტიმეტაბოლიტებში, რომლებიც გამოიყენება სიმსივნური დაავადებებისა და ვირუსული ინფექციების სამკურნალოდ. სხვადასხვა ტიპის N-გლიკოზიდებისა და მათიწარმოებულების სინთეზის ეფექტური მეთოდოლოგიების შექმნა სასარგებლო იქნება ბუნებრივი პროდუქტების სინთეზური ანალოგების სრტუქტურის დადგენისა და სინთეზისათვის. ჩვენი სამუშაოს მიზანს წარმოადგენდა N-(4-კარბოქსიფენილ)-2,3,4,6-ტეტრა-O-აცეტილ-β-D-გლუკო¬პირა¬¬¬ნოზილამინის ზოგიერთი წარმოებულის სინთეზი და მათი შესაძლო ბიოლოგიური აქტიურობის პროგნოზირება. N-(4-კარბოქსიფენილ)-2,3,4,6-ტეტრა-O-აცეტილ-β-D-გლუკოპირანოზილამინის სინთეზი განხორციელდა D-გლუკოზის 4-ამინობენზოის მჟავასთან კონდენსაციით 95%–იანი მეთანოლის არეში, კატალიზატორის NH4Cl თანაობისას და მიღებული N-გლიკოზილამინის შემდგომი აცეტილირებით. N-(4-კარბოქსიფენილ)-2,3,4,6-ტეტრა-O-აცეტილ-β-D-გლუკოპირა¬ნოზილამინის H-L-Gly ეთილესტერის ჰიდროქლო-რიდთან და H-L-His მეთილესტერის დიჰიდროქლორიდთან კონდენსაციით N,N′-დიციკლოჰექსილ¬კარბოდიიმიდის და ტრიეთილამინის თანაობისას 0C ტემპერატურაზე, პირველად იქნა მიღებული შესაბამისი ახალი ტიპის წარმოებულები. სინთეზირებულ ნაერთთა აღნაგობა დადგენილ იქნა კვლევის ფიზიკო–ქიმიური მეთოდებით. კომპიუტერული პროგრამის PASS Online-ის მეშვეობით, ნივთიერებების სტრუქტურა ბიოაქტიურობის ანალიზის საფუძველზე სინთეზირებული ნაერთებისათვის პროგნოზირებულ იქნა შესაძლო ბიოლოგიური აქტიურობის სპექტრი.

მიმაგრებული ფაილები:

MA_მარიამ არჩვაძე (annotation) [en]
MA_მარიამ არჩვაძე (ანოტაცია) [ka]